Familjarët e dy policëve dyshojnë se trupat nuk ishin në veturë kur ndodhi aksidenti

18:39 | 1 Maj 2018
Arbresh.info

Posta e Kosovës sot ka arritur që të kapë sinjale të telefonit të njërit prej pjesëtarëve të policisë i zhdukur që nga e shtuna e javës së kaluar në aksidentin në magjistralen Kaçanik-Hani i Elezit.

KlanKosova ka kontaktuar sot me familjarët e dy policëve të zhdukur. Ata po dyshojnë se trupat e dy policëve nuk kanë qenë në veturë gjatë kohës kur ka ndodhur aksidenti.

Megjithatë familjarët janë duke pritur fjalën e fundit të thënë nga Policia rreth këtij rasti.

Kërkimi për dy pjesëtarët e policisë është duke vazhduar edhe sot nga të gjitha njësitet relevante, duke mos munguar edhe ndihma e qytetarëve të shumtë.

Janë gjithsej 170 pjesëtarë të institucioneve të Kosovës, Policisë, FSK-së, Agjencisë për Emergjenca dhe institucione tjera të cilët që nga mëngjesi kanë nisur kërkimet për t’i gjetur dy policët të cilët dyshohet se në një vetaksident me veturë zyrtare kanë rënë në lumin Lepenc.

Shpërndaje në rrjete sociale

Lajmet më të lexuara

Të ngjashme

Foto lajm